ئۆکراینا: تا ئێستا ٢٧ هەزار سەربازی رووسی کوژراون

جیهان

پێش 2 هەفتە     ژمارەی بینراو 60

راچڵەکین-

سەرۆکایەتی ئەرکانی سوپای ئۆکراینا ئاماری کوژراوانی سەربازانی رووسی لە دەستپێکی جەنگەوە تا ئەمڕۆ،  راگەیاند و  دەڵێت، تا ئێستا زیاتر لە ٢٧ هەزار سەرباز کوژراون.

سەرۆکایەتی ئەرکانی سوپای ئۆکراینا رایگەیاند، لە ٢٤ کاتژمێری رابردوودا ٣٠٠ سەربازی دیکەی رووسیا کوژراون و لەسەرەتای جەنگەوە تا ئێستا ٢٧ هەزار و ٢٠٠ سەربازی رووسیا کوژراون.

بەگوێرەی زانیارییەکانی سەرۆکایەتی ئەرکانی سوپای ئۆکراینا، ٢٠٠ فڕۆکەی جەنگیی، ١٦٣ هێلیکۆپتەر، هەزار و ٢١٨ تانک، دوو هەزار و ٩٣٤ ئۆتۆمبێلی زرێپۆش، ٥٥١ تۆپهاوێژ، ١٩٥ مووشەک هاوێژ و ٨٨ سیتسمی بەرگریی ئاسمانیی رووسیا، تێکشکێندراون.

 سەرۆکایەتی ئەرکانی سوپای ئۆکراینا ئاماژە بەوەشدەکات کە رووسیا دوو هەزار و ٥٩ ئۆتۆمبێلی سەربازیی، ٤١١ فڕۆکەی بێفڕۆکەوان و ١٣ کەشتی و یەختی خێرایی مامناوەندی لەدەستداوە، هەروەها توانراوە ٩٥ مووشەکی ئاڕاستەکراوی سوپای رووسیا لەلایەن یەکەکانی هێزی بەرگریی ئاسمانیی ئۆکرایناوە تێکبشکێنرێت.

ئەوە لە کاتێکدایە وەزارەتی بەرگری روسیا پێشتر بڵاویکردەوە  هەزار و ٣٥١ سەربازییان لە ئۆکراینا کوژراون.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن