راچڵەكین-
بەڕێوەبەری گشتی هاتوچۆی پارێزگای سلێمانی " بەهۆی ناجێگیری باری تەندروستی" گۆڕدراو لەجێی ئەو عەمید عومەر نامیق، بەوەكالەت كرا بە بەڕێوەبەری بەڕێوەبەرایەتییەكە.
بەپێی فەرمانێكی فەرمی وەزارەتی ناوخۆ/ بەرێوەبەرایەتی كاروباری هیزەكانی ئاسایشی ناوخۆ، بەرێوەبەری هاتوچۆی پارێزگای سلێمانی، لیوا خۆشەویست جمال، بەهۆی ناجێگیری باری تەندروستی و لەسەر داواكاری خۆی لە پۆستی بەرێوەبەری هاتووچۆی سلێمانی لادرا و لە جێگەی ئەو، عەمید عومەر نامیق، بە وەكالەت و بۆ ماوەی شەش مانگ وەك بەرێوەبەری نوێی هاتووچۆ دەستبەكاربوو.