سەرایا سەلام زەنگی شەڕ لێدەدات

عێراق

پێش 1 هەفتە     ژمارەی بینراو 199

راچڵەكین-

فەرماندەی گشتی هێزە چەكدارەكانی " سەرایا سەلام" كە لەلایەن موقتەدا سەدر-ی رێبەری رەوتی سەدر سەرپەرشتی دەكرێـت، ئامادەیی خۆی نیشاندا بۆ یەكلاكردنەوەی هەر بابەتێك كەپێویستی بەهێز بێت.

تەحسین ئەلحمێداوی، فەرماندەی گشتیی هێزەكانی "سەرایا سەلام"، رایگەیاند:" سرییەكانمان لە ئەوپەڕی ئامادەباشیدان بۆ هەر بارێكی كتوپڕ."

ئەلحمێداوی ئاماژەی بەوەشكردووە:" سەرایا سەلام" دامەزراوەیەكی سەربازیی پڕچەكە، ئاستی بەرزی لە رووی بیروباوەڕ و سەربازییەوە هەیە، بە فەرمانی فەرماندە سەدر جووڵە دەكات، گوێڕایەڵێكی بەرچاوڕوونی بێ وێنەیە بۆ فەرمانەكانی فەرماندە."

ئەو فەرماندەییەی سەرایا سەلام ئەوەشی روونكردووەتەوە:" بەشێكی زۆر لە "موجاهیدان" ئامادە و گیان لەسەر دەستن بۆ بەرگری كردن لە نیشتمان و بیروباوەڕ، هەروەها ئامادەن بۆ یەكلاكردنەوەی هەر بابەتێك بەو پەڕی خێرایی و لە خۆ بوردووییەوە.

"سەرایا سەلام"، رێكخراوێكی چەكدارییە، پاشماوەی سوپای مەهدییە، كە موقتەدا سەدر، رێبەری رەوتی سەدر لە دوای رووخانی بەعس بۆ بەگژداچوونەوەی سوپای ئەمەریكا درووستیكرد.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن