راچڵەكین-

پێنج ئۆتۆمبێلی بارهەڵگر لەجۆری ( پیكاب و كیای بەراد) لەلایەن پۆلیسی هاتوچۆی هەولێرەوە دەستیان بەسەردا گیرا، پاش ئەوەی هەوڵی بەقاچاغهێنانی دەیان هاوڵاتیان دابوو بۆ ناو شارەكە.

فازڵ حاجی، وتەبێژی پۆلیسی هاتوچۆی هەولێر، بڵاویكردووەتەوە:" ئەمرۆ لەلایەن مەفرەزەهاوبەشەكانی هاتووچۆو زێرەڤانی لەسەر هەردوورێگای هەولێر كەركوك وهەولێر گوێردەست بەسەر 5ئوتومبێل لەجۆرەكانی پیكاب و كیای بەراد داگیرا كەهەڵسابون بەگواستنەوەی 52كەس لەدەرەوەی شاری هەولێرەوە بۆناو هەولێر كەزۆربەیان عەرەب بوون كەگوایا كرێكارن بەبێ ئەوەی هیچ پشكنینێكی پزیشكی بۆئەوكەسانە بكرێت بۆدلنیابونەوە لەتوشنەبونیان بەڤایرۆسی كۆرۆنا."

فازڵ حاجی، دەشڵێت:" لەدوای دەستبەسەرداگرتنی ئوتومبێلەكان 52كەسەكەش تەسلیمی ئاسایشی هەولێر كران بۆناردنیان بۆپشكنینی پزیشكی."

وتەبێژی پۆلیسی هەولێر رایگەیاند:" دووبارە داوا لەشوفێری بارهەلگرەكان دەكەین كەرێگاپێدانیان هەیە بەهیچ شێوەیەك هەول نەدەن كەسانی دەرەوەی شاری هەولێر بێننە ناو هەولێر وەبیانگوازنەوە بەبیانوی ئەوەی كەكرێكارن چونكە ئەوەكارێكی رێگاپێدراو نیە وەتوشی لێپێچینەوەی یاساییان دەكات."