راچڵەکین –

شارەزایانی بواری تەندروستی کۆمەڵێك سەوزە و میوە بە دژە شێرپەنجە ناودەبەن، کە توانایان هەیە ئەگەری تووشبوون بەو نەخۆشییە کەمبکەنەوە:

١_سەوزەکان (برۆکلی،سپێناخ،بامیە...)
٢_میوەکان (هەنار ،تووەکان وەک توویسپی وتووی ڕەش و شاتوو و توترک و شاتوو و شلک....هتد)
٣_زەردەچەوە.
٤_گێزەر

ئەو ماددانەی کە لە پیکهاتەی هەریەکەیان هەیە و دژە شێرپەنجەن:

١_برۆکلی مادەی(سۆلفۆرافان)تێدایە دژە شێرپەنجەیەکی بەهێزە.
٢_هەنار (ترشی ئیلاجیک)و تووەکان ماددەی(فینۆلیک وفلاڤۆناید و ئەنتۆسیانین)یان تێدایە کە دژەشێرپەنجەی بەهێزن.
٣_زەردەجەوە مادەی(کورکۆمین)ی تێدایە کە دژەئۆکسێنەر و دژەهەوکردن و دژەشێرپەنجەیە.

باوترین ئەو شێرپەنجانەی کە نوێترین توێژینەوەکان دەریانخستوە بەهۆی ئەم میوە و سەوزانەوە ئەگەری توشبونیان کەم دەبێتەوە ئەمانەن:

١_ خواردنی برۆکلی ٣ جار لە هەفتەیەکدا دەبێتە هۆی کەمکردنەوەی شێرپەنجەی (  کۆلۆن و مەمک و پرۆستات)
٢_هەنار کە ترشی ئیلاجیکی تێدایە کاریگەری ئیسترۆجین لە گەشەکردنی شێرپەنجەی مەمک کەمدەکاتەوە.
٣_ تووەکان بە خواردنیان رۆژانە جارێک یان دوو جار کاریگەرن لەسەر کەمکردنەوەی شێرپەنجەی ( کۆلۆن و سورێنجک و ناودەم..)
٤_زیادکردنی(٢_٣ کەوجکی جا ) لە ڕۆژێکدا لە هاڕاوەی زەردەجەوە لەگەڵ ئاڵەتی ڕەش بۆخواردنەکانمان هاندەرێکی باشە بۆ ساڕێژبونی برینی کۆلۆن و کەمکردنەوەی توشبون بە شێرپەنجەی کۆلۆن،وە دەبێتە هۆی لەناوبردنی خانە شێرپەنجەییەکانی( سەر و مل).
٥-خواردنی گێزەر جەند جارێک لە هەفتەیەکدا ئەگەری توشبون بە شێرپەنجەی (گەدە و برۆستات و سییەکان) کەمدەکاتەوە.

د. ڕێباز حاجی علی
 پسپۆری نەخۆشیەکانی شیرپەنجە