راچڵەكین-
وەزیری بەرگریی توركیا، رایگەیاند، ئۆپەراسیۆنەكان لە باكووری عیراق و باكووری سووریا ناوەستن" تا یەك تیرۆریست بمێنێت" بەردەوام دەبن لە بەرەنگاربوونەوەیان.
خولوسی ئاكار، رایگەیاند، شەو و رۆژیان خستووەتە سەریەك بۆ بەهێزتركردنی توركیا: "چەندین بەربەست لە بەردەم ئەمە داندراون وەك چالاكی تیرۆریستان، بەكارهێنانی میدیا و ئابووری، بەڵام لە هیچیاندا سەركەوتوو نەبوون. ئەو میدیایانەی لە خۆرئاوا وا خۆیان نیشان دەدەن بێلایەنن بەرلە هەڵبژاردن تەواوی ژەهرەكەیان بڵاو كردەوە".
ئاماژەی بەوەشكرد:"بەردەوام دەبین لە بەرەنگاربوونەوەیان. خوا یار بێت سەربازانمان تیرۆریستان لەو چاڵانەدا دەنێژن كە هەڵیان كەندوون".