راچڵەكین -

لەهەولێر، ژمارەیەك بەنزینخانە بەهۆی فرۆشتنی بەنزینی خراپ و پابەندنەبوونیان بە رێنماییەكانەوە، سزا دەدرێن و بۆماوەیەكیش دادەخرێن.

بەگوێرەی راگەیاندراوێكی قائیمقامیەتی قەزای ناوەندی هەولێر، كە ئەمڕۆ یەكشەممە بڵاوكراوەتەوە، لەماوەی نێوان (24-2) تاوەكو (29-2-2024)، لیژنەكانی پشكنین و چاودێری، پشكنینیان بۆ 108 بەنزینخانە كردووە، لەئەنجامی پشكنینەكاندا (10) بەنزینخانە لەشاری هەولێر بەهۆی فرۆشتنی بەنزینی كوالێتی خراپ و پابەندنەبوونیان بەڕێنماییەكان، داخران و سزایان بەسەردا سەپێندرا.

ئەو وێستگانەی كە سزادراون، بریتین لە:

- وێستگەی باران-٢/ ڕێگای خەبات

- وێستگەی وار ئۆیل/ ڕێگای خەبات

- وێستگەی دڵنیا

- وێستگەی فیڕاڕی

- وێستگەی باخەوان

- وێستگەی باكوور

- وێستگەی پێشمەرگە

- وێستگەی بەهەست

- وێستگەی كەركوك

- وێستگەی دونیا