راچڵەكین-
بەهۆی دواكەوتنی پرۆسەی نشینكردنی " تەوتین"ی مووچەی فەرمانبەرانی هەرێمی كوردستان، بەرپرسانی بانكەكانی رەشید و رافیدەین، بانگهێشتی لیژنەی دەستپاكی ئەنجوومەنی نوێنەرانی عیراق دەكرێن.
لیژنەی دەستپاكی لەئەنجوومەنی نوێنەرانی عیراق لە نووسراوێكی فەرمیدا داوای میواندارییكردنی بەڕێوەبەری گشتی هەردوو بانكەكانی ڕافیدەین و ڕەشید دەكات، سەبارەت بەهۆكاری دواكەوتنی پرۆسەی بەبانكیكردنی مووچەی فەرمانبەرانی هەرێمی كوردستان.
بەگوێرەی نووسراوەكە، میواندارییەكە لە ڕۆژی 22ی نیسانی 2024 ئەنجامدەدرێت.