راچڵەكین-
ئاسایشی سلێمانی ئەندامانی پەیجێك لەسەر داوای وەزارەتی پەروەردەی حكومەتی هەرێمی كوردستان دەستگیر دەكات.
وەزارەتی پەروەردە، ئەمڕۆ شەممە لەراگەیەندراوێكدا ئاماژەی بەوەكردووە:" لەچوارچێوەی هەماهەنگی وەزارەتی پەروەردەی حكومەتی هەرێمی كوردستان لەگەڵ لایەنە پەیوەندیدارەكان بۆ بەرێوەچوونی تاقیكردنەوەی نیشتیمانی و تاقیكردنەوە گشتییەكان ، تیمی وەزارەت لەگەڵ دامەزراوەكانی ئاسایش و پۆلیس ئامادەسازیی دەكات بۆ ڕوبەڕوكردنەوەی هەموو ئەو تۆمەتبارانەی لە رێگای سۆشیال میدیاوە دەیانەوێت قوتابیان و خوێندكاران فریوبدەن ."
ئەوەش روونكراوەتەوە، بۆئەو مەبەستە ئەم پەیجەی كە لەوێنەكەدا هەیە داوای یاسایی لەسەر تۆماركراو لەلایەن ئاسایشی سلێمانیەوە لەسەر سكاڵای وەزارەتمان دەستگیركران.
" وەزارەتی پەروەردە داوا لە قوتابیان و خوێندكاران دەكات بەهەموو جۆرێك دووربن لەو فریودانانە و بێ ئەنجامن ، هەروەها هەر كەسێكیش ئەو كارانە بكات هاوشێوەی ساڵانی ڕابردوو بەتایبەت ساڵی پار ڕووبەڕووی یاسای دەكەینەوە تەنانەت پاش تەواوبوونی پرۆسەی تاقیكردنەوەكانیش بێت."