ڕاچڵەکین سپۆرت -
ئەمشەو کاتژمێر 10 بە کاتی کوردستان لە یاریی گەڕانەوەی قۆناغی پێش کۆتایی خولی یانە پاڵەوانەکانی ئەوروپا، یانەی ڕیال مەدرید لە نێو یاریگا و هاندەرانی خۆیدا میوانداری یانەی بایرن میونشن دەکات.
هەفتەی ڕابردوو لە یاریی چووندا کە لە نێو خاکی ئەڵمانیا و یاریگای ئالیانز ئارێنا بەڕێوەچوو، هەردوو یانە بە ئەنجامی 2-2 یەکسانبوون.
هەردوو یانە بە بردنەوە دەگەنە یاریی کۆتایی، بەڵام هەر یەکسانبوونێک پەنا دەبرێتە بەر لێدانە یەکلاکەرەوەکان.
پێکهاتەی چاوەڕوانکراوی ڕیاڵ مەدرید و بایرن میونشن لە یارییەکەی ئەمڕۆدا
ڕۆژنامەی “AS”ی ئیسپانی پێکهاتەی چاوەڕوانکراوی ڕیاڵ مەدرید و بایرن میونشنی لە یارییەکەی ئەمڕۆ ئاشکرا کرد.
پێکهاتەی چاوەڕوانکراوی ڕیال مەدرید بەم شێوەیەی خوارەوەیە:
گۆڵپارێز: ئەندرێ لونین
هێڵی بەرگری: دانی کارڤاخال، ڕودیگەر، ناچۆ، فێرلاند مێندی
هێڵی ناوەڕاست: فێدریکۆ ڤالڤێردی، ئۆرێلیان چوامینی، کرۆس
هێڵی هێرشبەری: ڤینیسیۆس جونیۆر، جود بێلینگهام، ڕۆدریگۆ
لە کاتێکدا پێکهاتەی چاوەڕوانکراوی بایرن میونشن بەم شێوەیە خوارەوەیە:
گۆڵپارێز: نۆیەر
هێڵی بەرگری: نوسێر مەزراوی، کیم مین جای، ئێریک دایەر، ئەلفۆنسۆ دەیڤز
هێڵی ناوەڕاست: لیۆن گۆرێتسکا، لایمەر، جەمال موسیالا
هێڵی هێرشبەری: مۆلەر، لیرۆی سانێ، هاری کەین