وەزارەتی کشتوکاڵ ئاگادارییەک سەبارەت بە بابەتی ئاسایبونەوەی قەدەغەی ڕاوە ماسی بڵاودەکاتەوە

کوردستان

پێش 3 هەفتە     ژمارەی بینراو 202

راچڵەکین-

 

وەزارەتی کشتوکاڵی هەرێم، وادەی کۆتایی هاتن بە قەدەغەی ڕاوەماسی ڕاگەیاند و هاوکات داوا لە هاوڵاتییان دەکات لە کاتی ڕاوەماسیدا پابەندی یاسا و ڕێنماییەکان بن.

بەپێی ڕاگەیەندراوێک لە وەزارەتی کشتوکاڵ و سەرچاوەکانی ئاو؛ بەیانی ڕۆژی پێنج شەممە 2024/6/20 دواڕۆژی قەدەغەی ڕاوە ماسیە، و ڕۆژی هەینی2024/6/21 ڕاوی ماسی ئاسایی دەبێتەوە.

وەزارەتەکە داوا لە هاووڵاتیان دەکات "لەکاتی ڕاوی ماسی پابەندی یاسا و ڕێنمایەکان بن و خۆیان بەدوور بگرن لە ڕاوکردن بە تۆڕی کون بچوک و کارەبا و تەقەمەنی و مەوادی کیمیایی و بەکۆمەڵ و کوشتنی ماسی چونکە لەهەموو کاتێک ئەو ڕێگایانەی ڕاوکردن بەپێی یاسا ڕێگەپێنەدراوە."

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن