راچڵەکین-
ئەمڕۆ دووشەممە، دوو هاوسەر لەبەردەم دادگای هەولێر بە
میدیاکانیان راگەیاند: هەفتەی رابردوو زاوەکەمان کچەکەمانی لە یەکەیەکی
نیشتەجێبوونەوە خستووەتە خوارەوە.
ئاماژەیان بەوەشکرد: دوای ئەو رووداوەش، زاوەکەمان سێ کچ
و کوڕێکی دیکەمانی بۆ شوێنێکی نادیار رفاندووە، ئێستا سکاڵاشمان تۆمارکردووە،
بەڵام سکاڵاکەشمان لێوەرناگرن.
باسیان لەوەشکرد: پێشتر پۆلیس پێیراگەیاندبووین لە
ماڵەوە بمێنینەوە و هیچ کارێک نەکەین، بەڵام ئەو پیاوەی کە چوار سکاڵام لە دژی
تۆمارکردووە و چوار هەزار دۆلارم بەوهۆیەوە خەرجکردووە، هات و منداڵەکانی رفاندین.