راچڵەکین-

بەڕێوەبەرایەتی کەشناسی و بوومەلەرزەزانیی هەرێم کەشی پێشبینی کراوی 48 کاتژمێری داهاتووی بڵاوکردەوە و تێیدا هاتووە، ئاسمان ساماڵ و پەڵە هەور دەبێت ، لە ئێوارەدا دەگۆڕێت بۆ نیمچە هەور  و لەکاتەکانی شەویشدا شەپۆلێکی بارانبارینی پچر پچر و نمەباران بەشێک لە ناوچەکانی هەرێمی کوردستان دەگرێتەوە.

بەڕێوەبەرایەتییەکە لەبارەی ئەو شەپۆلی بارانبارینەی کە لە رۆژی شەممەوە دەستپێدەکات رایگەیاندووە، ئاسمان لە نێوان نیمچە هەور و هەوری تەواودا دەبێت و لە كاتەكانی دوای نیوەڕۆ نمە باران لە هەندێك ناوچە دەبارێت پاشان لە شەودا كاریگەری دابارین زیاد دەكات و نمە باران و بارانی مامناوەند لە زۆربەی ناوچەكان دەبارێت بە تایبەت لە سنوری پارێزگای دهۆك و سلێمانی ئیدارەی سۆران و ڕاپەڕین ، هەروەها پێشبینی بارینی بەفرێكی كەم دەكرێت لە ناوچە شاخاوییەکان.

ئاماژە بەوەش کراوە، پلەکانی گەرما بە نزیكی 2 تـــــا 4 پلە نزمتر دەبێت بەراوورد بە تۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :

هەولێر  14

سلێمانی  12

دهۆک  15

کەرکوک  17

هەڵەبجە  12

زاخۆ  15

گەرمیان  17