راچڵەکین-

بەگوێرەی ماڵپەڕی شەفافیەت،  لە رۆژی  4ـی1 تا 10ـی ئەم مانگە داهاتی سلێمانی زیاتر لە 5.7 ملیار دیناربووە کە لەورێژەیەش 83%ی نەختینەیە.

ئەمڕۆ هەینی،بەگوێرەی ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردو ئیدارەی راپەڕین و گەرمیان، داهاتی ئەم هەفتەیەی سلێمانی، زیاتر لە 5 ملیار و 734 ملیۆن و 282 هەزار دیناربووە.

هەر بەگوێرەی ماڵپەڕەكە، لەو بڕە 4 ملیارو 747 ملیۆن و 387 هەزار دیناری واتە 83%ی نەختینەیە و هەروەها 986 ملیۆن و 895 هەزار دیناری واتە 17%ی بەشێوەی چەكە و مەقاسە سفربووە.

 

پێشتریش ماڵپەڕی شەفافییەت داهاتی ساڵی 2024 بەراورد بە 2023ـی سڵێمانی بڵاوكردەوە و بەگوێرەی ئامارەكەش، بڕی 310 ملیار دینار كەمی کردبوو.