ڕاچڵەکین سپۆرت -

 

لیۆنێل سکالۆنی ڕاهێنەری هەڵبژاردەی ئەرجەنتین وەڵامی ئەو لێدوانانەی دایەوە کە ڕافینیا ئەستێرەی یانەی بەرشەلۆنە و بەڕازیل پێش یارییەکەی نێوان هەردوو هەڵبژاردە دابوو.

بەرەبەیانی ئەمڕۆ چوارشەممە لە گەڕی 14ی پاڵاوتنەکانی ئەمریکای باشوور بۆ مۆندیالی 2026، ئەرجەنتین بە ئەنجامی 4-1 لە بەڕازیلی بردەوە.

پێش یارییەکە ڕافینیا لەگەڵ ڕۆماریۆی ئەفسانەیی سێلیساو قسەی کرد سەبارەت بە یارییەکە و ڕایگەیاندبوو کە لە ناو یاریگا و دەرەوەی یاریگا لە ئەرجەنتین دەباتەوە و تیپی تانگۆ دەچەوسێنێتەوە. بەڵام لە یارییەکەدا پێچەوانەکەی ڕوویدا دوای ئاستێکی نایابی یاریزانانی تانگۆ.

سکالۆنی دوای یارییەکە وتی: من لە ڕافینیا خۆش دەبم، چونکە دەزانم بە ئەنقەست ئەو کارەی نەکردووە، بەرگری لە وڵاتەکەی دەکات.

ئاماژەی بەوەشکرد، "بە تەواوی دڵنیام مەبەستی ئازاردانی کەس نەبووە، هەر بۆیە ئێمە بەو شێوەیە یاریمان نەکردووە".