ڕاچڵەکین سپۆرت -
لیۆنێل مێسی ئەستێرەی ئەرجەنتینی گۆڵی دڵخوازی خۆی لە ژیانی وەرزشیدا ئاشکرا کرد، ئەو گۆڵەی لە یاری کۆتایی چامپیۆنزلیگی ٢٠٠٩ بەرامبەر مانچستەر یونایتد تۆماریکرد.
ئەو گۆڵە ئێستا دەکرێتە پەیکەرێکی هونەری و لە زیادکردنێکی خێرخوازی بێ وێنەدا دەفرۆشرێت. مێسی ئەم گۆڵەی لە نێو زیاتر لە 800 گۆڵ هەڵبژارد کە بە درێژایی ژیانی وەرزشی تۆماری کردووە.
لەڕێگەی ئەکاونتەکانی سۆشیال میدیای ئینتەر میامی فاوندەیشن، مێسی دووپاتیکردەوە کە دڵخوازترین گۆڵی ئەو گۆڵەبووە کە بە لێدانی سەری بەرامبەر مانچستەر یونایتد لە یاری کۆتایی چامپیۆنزلیگ لە ڕۆما تۆماریکرد، گۆڵێک کە سەردەمێکی زێڕینی لەبیرنەکراوی بۆ بەرشەلۆنە دەستپێکرد.
ئەم هەڵبژاردنە ڕەهەندێکی خێرخوازی گەورەی هەیە، بەو پێیەی دەگۆڕدرێت بۆ پەیکەرێکی هونەری کە لەلایەن هونەرمەندی بەناوبانگ ڕەفیق ئەنادۆڵەوە دیزاین کراوە.
مێسی ئاماژەی بە گۆڵەکەی کرد لە ٢٧ی ئایاری ٢٠٠٩ کە نازناوەکەی بۆ بەرشەلۆنە بەدەستهێنا، وتی: تا ئێستا بە لەبەرچاوگرتنی گرنگییەکەی، و لەبەر ئەوەی ساڵێکی لەبیرنەکراوی بۆ من تەواوکرد گرنگترینە.
شایەنی باسە بەرشەلۆنە ئەو یارییە بە ئەنجامی 2-0 بەرامبەر مانچستەر یونایتد بردەوە کە کریستیانۆ ڕۆناڵدۆ سەرکردایەتی دەکرد و ئەلێکس فێرگسۆن ڕاهێنەرایەتی دەکرد. لە خولەکی ١٠ ئیتۆ گۆڵی یەکەمی تۆمارکرد، مێسیش لە خولەکی ٧٠ گۆڵی دووەمی زیادکرد و لە ساتێکی لەبیرنەکراودا بە ماچکردنی پێڵاوەکەی ئاهەنگی گێڕا. بەرشەلۆنە بوو بە پاڵەوان و ئەو وەرزە شەش نازناوی بەدەستهێنا.
مێسی لە کۆتاییدا وتی: هەموو گۆڵێک تایبەتە، هەندێک گۆڵیش زۆر گرنگە، بەڵام هەڵبژاردنی یەک گۆڵ بۆ ئەم پڕۆژەیە شایانی ئەوە بوو.
ڤیدیۆ: