ڕاچڵەکین سپۆرت -
ئەشرەف حەکیمی مەغریبی، ئەستێرەی یانەی پاریس سانجێرمان، لێدوانێکی لەسەر یارییەکەی داهاتووی بەرامبەر کیلیان مباپێی هاوڕێی نزیکی، ئەستێرەی ئێستای ڕیال مەدرید و یاریزانی پێشووی پاریس سانجێرمان دا.
چوارشەممەی داهاتوو یانەی پاریس سانجێرمان لە قۆناغی پێش کۆتایی جامی جیهانی یانەکانی 2025 ڕووبەڕووی یانەی ڕیال مەدرید دەبێتەوە.
حەکیمی بە دازنی ڕاگەیاندووە: مباپێ هاوڕێمە، بەڵام هەریەکەمان بەرگری لە تیپی خۆمان دەکەین.
ئاماژەی بەوەشکردووە، پێش پاڵەوانێتییەکە لەگەڵ مباپێ قسەم کردووە، ئەوکاتە نەخۆشبوو، بەڵام ئێستا بە تەواوی لە دۆخێکی باشدایە.
لە کۆتاییدا وتی: دڵخۆشم بە ڕووبەڕووبوونەوەی مباپێ، بەڵام گرنگترین شت لای من یانەکەمە.