راچڵەكین-

كۆمسیۆنی باڵای سەربەخۆی هەڵبژاردنەكانی عیراق بڕیاریدا بەكارهێنانی مەرەكەبی هەڵبژاردن  لە رۆژی دەنگدان هەڵبوەشێنێتەوە.

ئەمڕۆ یەكشەممە 20ی تەمووزی 2025 كۆمسیۆنی بالای سەربەخۆی هەڵبژاردنەكانی عیراق لە راگەیەندراوێكیدا ئاماژەی بەوەكردووە:" ئەنجومەنی كۆمیسیاران، تاوتوێی یاداشتێكی نوسینگەی سەرۆكی كارگێڕی هەڵبژاردنەكانی كردووە كە بە ژمارە (ر أ 1317) لە رۆژی 8ی7ی2025 پێشكەشی كردووە، كە تایبەتە بە مەرەكەبی هەڵبژاردن".

 راشیگەیاندووە:" دوای گفتوگۆی ئەندامانی كۆمسیاران، كۆمسیۆن بریاریدا كەبەكارهێنانی مەرەكەب لە رۆژی هەڵبژاردن هەڵبوەشێنێتەوە".

بڕیارە رۆژی 11ی تشرینی دووەمی 2025 هەڵبژاردنی ئەنجوومەنی نوێنەرانی عیراق بەرێوەبچێت.