راچڵەكین-
ئەنجوومەنی نوێنەرانی عیراق، هێرشە درۆنییەكانی سەر هەرێمی كوردستان تاوتوێ دەكات.
بڕیارە ئەمڕۆ دووشەممە 21ی تەمووزی 2025 ئەنجوومەنی نوێنەرانی عیراق دانیشتنێكی نائاسایی ئەنجامبدات، تێیدا تاوتوێی دوو بابەت دەكات.
بەگوێرەی كارنامەی كۆبوونەوەكە بێت، بڕگەی یەكەم تایبەت كراوە بە رووداوەكەی شاری كوت كەبەهۆیەوە زیاتر لە 60 كەس گیانیان لەدەستدا.
بڕگەی دووەمی دانیشتنەكەش تارخانكراوە بۆ گفتوگۆكردن لەسەر هێرشە درۆنییەكانی ئەم دواییە بۆ سەر ژێرخانی ئابووری هەرێمی كوردستان.
لەماوەی سێ هەفتەی رابردوودا زیاتر لە 17 هێرشی درۆنی كراونەتە سەر ناوچە جیاجیاكانی هەرێمی كوردستان كە زۆرینەیان كێڵگە نەوتییەكانیان كردووەتە ئامانج.