راچڵەكین-

دادگای فیدراڵی عیراق بۆ بڕیاردان لەسەر دوو سكالای تایبەت بە هەڵوەشاندنەوەی ئەم خولەی پەرلەمانی كوردستان كۆدەبێتەوە.

كۆبوونەوەكەی دادگای فیدراڵی عیراق ئەمڕۆ دووشەممە 21ی تەمووزی 2025 بەرێوەدەچێت بۆ بڕیاردان لەبارەی ئەو دوو سكاڵایە كەیەكێیان لەلایەن عومەر گوڵپی، ئەندامی خولی شەشەمی پەرلەمانی كوردستان و سروە عەبدولواحید، ئەندامی ئەنجوومەنی نوێنەران تۆماركراون.

سكاڵاكان لە دژی سەرۆكی هەرێمی كوردستان و پەرلەمان تۆمار كراون، وەكو دوو لایەنی پەیوەندیدار بەو پرسە.

20ی تشرینی یەكەمی 2024 هەڵبژاردنی خولی شەشەمی پەرلەمانی كوردستان بەڕێوەچوو، 30ی هەمان مانگ ئەنجامی كۆتایی ئەو هەڵبژاردنە لەلایەن كۆمیسیۆنی باڵای سەربەخۆی هەڵبژاردنەكانەوە راگەیەندرا. یەكەم كۆبوونەوەی پەرلەمانی كوردستان لە 2ی كانوونی یەكەمی 2024 كرا.