راچڵەكین -

ئاسایشی هەولێر دەستگیركردنی بكوژی هاووڵاتییەكەی ناحیەی شەمامك-ی راگەیاند، كە كچی خۆیەتی و لەسەر هەمان رووداو دوو كەسی دیكەش دەستگیركران، كە هاوسەرو و برای كوژراوەكەن.

لە راگەیەندراوێكدا كە ئەمڕۆ دووشەممە 21-7-2025 بڵاویكردووەتەوە، بەڕێوەبەرایەتی ئاسایشی هەولێر ئاشكرایكردووە، سەبارەت بە ڕووداوی كوشتنی هاوڵاتی (عادل نوری) لە ناحیەی شەمامك، بە فەرمانی دادوەری لێكۆڵینەوەی ئاسایش، سێ تۆمەتباریان دەستگیركرد بەناوەكانی (س ، ع ، ن) و (پ ، ن ، س) و (خ ، ع ، ق ) دەستگیركرد، كە كچ و هاوسەر و برای كوژراوەكەن.

ئاسایشی هەولێر ئاماژەی بەوەكردووە، لە لێكۆڵینەوەكاندا دەركەوتووە كێشەكە كۆمەڵایەتییە و تۆمەتبار (س ، ع ، ن) بەچەكی جۆری (كلاشینكۆف) باوكی خۆی كوشتووە، هەروەها هەریەك لە تۆمەتباران (پ ، ن ، س) و (خ ، ع ، ق) كە هاوسەر و برای كوژراوەكەن، هۆكار و هاندەر بوونە بۆ ئەنجامدانی تاوانەكە.