عیراق مووچەی مانگی 5ی فەرمانبەرانی هەرێمی خەرجكرد

عێراق

22/07/2025     ژمارەی بینراو 248

راچڵەكین-

وەزارەتی دارایی عیراق بڕیاریدا بەخەرجكردنی پارەی مووچەی مانگی 5ی فەرمانبەرانی هەرێمی كوردستان.

ئەمڕۆ سێشەممە 22ی تەمووزی 2025 وەزارەتی دارایی عیراق بڵاویكردەوە، پشتبەستوو بە بڕیاری ژمارە 550ی ئەنجوومەنی وەزیرانی عیراق لەدانیشتنی نائاسایی رۆژی پێنجشەممە 17ی تەمووزی 2025، وەزارەتی دارایی دەستیكرد بە خەرجكردنی مووچەی مانگی 5ی فەرمانبەرانی هەرێمی كوردستان.

وەزارەتی دارایی عیراق دەڵێت، خەرجكردنی مووچە دوای پابەندبوونی حكومەتی هەرێمی كوردستان دێت بە ناوەڕۆكی بڕیارەكە لەڕێی رادەستكردنی نەوتی بەرهەمهاتووی ئێستا لەكێڵگەكانی هەرێمی كوردستان و رادەستكردنی بڕی 120 ملیار دیناری داهاتی نانەوتی.

وەزارەتی دارایی عیراق دەڵێت، بەردەوامدەبێت بە جێبەجێكردنی ئەركە یاسایی و دەستورییەكانی بەرامبەر حكومەتی هەرێمی كوردستان تا ئەو كاتەی حكومەتی هەرێم بەردەوام دەبێت لە جێبەجێكردنی ئەركەكانی لەیاسای بودجەی گشتی، بڕیارەكانی دادگای فیدراڵی و دوا بڕیاری ئەنجوومەنی وەزیرانی عیراق.

 
 
 
 
 
 
 
 

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن