راچڵەكین-

سەرۆكوەزیرانی عیراق لەبارەی رووداوی هایپەر ماركێتەكەی شاری كوت-ی سەر بەپارێزگای واست بڕیارێكی واژۆكرد.

لەدانیشتنی ئەمڕۆ سێشەممە 22ی تەمووزی 2025 ئەنجوومەنی وەزیرانی عیراق، محەمەد شیاع سودانی سەرۆكوەزیران ئەو راپۆرتەی پەسەند كرد كەلەلایەن لیژنەی لێكۆڵینەوە لەڕووداوی ئاگركەوتنەوەكەی هایپەر ماركێتەكەی كوت ئامادەكراوە.

وەك لەراپۆرتەكەدا داواكراوە، هەریەك لە پارێزگاری واست، بەسیفەتی سەرۆكی لیژنەی بەرگری شارستانی پارێزگاكە و ئەندامانی هەمان لیژنە رەوانەی لیژنەی لێكۆڵینەوەی تایبەت بەو رووداوە دەكرێن بەئامانجی ئاشكراكردنی كەسانی كەمتەرخەم و بەرپرس لەو رووداوە.

هەفتەی رابردوو، هایپەرماركێـتێك لە شاری كوت كە تەنها سێ رۆژ بەسەر كردنەوەیدا تێپەڕیبوو، سووتا، بەهۆیەوە زیاتر لە 60 كەس گیانیان لەدەستدا، ئەوەش كاردانەوەی زۆری لێكەوتەوە، هەر ئەو كات سەرۆكوەزیرانی عیراق بڕیاریدا بەپێكهێنانی لیژنەیەكی لێكۆڵینەوەو قەرەبووكردنەوەی كەسوكاری قوربانیان و بۆ هەر كەسێك لەو رووداوە گیانی لەدەستدا بڕی 10 ملیۆن دینار وەك قەرەبوو دیاریكرا.