راچڵەكین-

نووسینگەی نوری مالیكی، سەرۆكی هاوپەیمانی دەوڵەتی یاسا لەبارەی تێكۆچوونی دۆخی تەندروستی ناوبراو، روونكردنەوەیەكی بڵاوكردەوە.

نووسینگەی نوری مالیكی بڵاویكردووەتەوە، لەچوارچێوەی بەدواداچوونە تەندروستییەكان، ئەمڕۆ سێشەممە 29ی تەمووزی 2025 مالیكی بۆ ئەنجامدانی پشكنینی ئاسایی سەردانی نەخۆشخانەی ئیبن بیتار-ی كردووە.

وەك نووسینگەكەی دەڵێت، ئەنجامی پشكنینەكان ئاسایی بوون ئەو دەنگۆیانەی بڵاوكراونەتەو گوایا تووشی جەڵتەی دڵ بووە، دوورن لەراستییەوە.

پێشتر میدیاكانی عیراق بڵاویانكردبوەوە، نوری مالیكی دوای تووشبوونی بە جەڵتەی دڵ، رەوانەی نەخۆشخانەی ئیبن بیتار كراوە.