لیۆنێل مێسی

راچڵەكین -

لیۆنێل مێسی كاپتنی یانەی ئینتەر مەیامی، خەڵاتی باشترین یاریزانی خولی ئەمریكا بۆ مانگی حوزەیران بەدەستدەهێنێت.

مێسی لەمانگی حوزەیراندا بە تۆماركردنی هەشت گۆڵ لە خولی ئەمریكا، توانی چوار بردنەوەو یەكسانبوونێك بۆ یانەی ئینتەر مەیامی بەدەستبهێنێت، بەرامبەر یەك دۆڕاندن.

یانەی ئینتەر مەیامی بە سەركردایەتی ئەستێرە ئەرجەنتینییەكە، لە 22 یاریدا خاوەنی 42 خاڵە، بەمەش یانەكە گەڕایەوە بۆ بازنەی كێبڕكێ بۆ بەدەستهێنانی نازنانی (قەڵغانی هاندەران).

لیۆنێل مێسی هەوڵدەدات بۆ ئەم وەرزەش خەڵاتی باشترین یاریزانی خولی ئەمریكا بەدەستبهێنێت، بۆئەوەی ببێتە یەكەمین یاریزان لە مێژووی خولی تۆپی پێی ئەمریكا كە دوو ساڵ لەسەر یەك ئەم نازناوە بباتەوە.