ڕاچڵەکین سپۆرت -

 

لامین یامال، یاریزانی باڵی یانەی بەرشەلۆنە، دوای ئەوەی ئەمڕۆ پێنجشەممە لە دووەم یاریی دۆستانەی پێش وەرزی یانەی بەرشەلۆنە دوو گۆڵی بەرامبەر یانەی سیئۆلی کۆریای باشوور تۆمارکرد، دڵخۆشی خۆی دەربڕی.

یامال یەکێک بوو لە یاریزانە ئاست بەرزەکانی یارییەکە، بۆ یەکەمجار بە درێسی ژمارە 10ی بارساوە گۆڵ تۆمار دەکات، دوای ئەوەی لە یاریی یەکەمدا بەرامبەر ڤیسێل کۆبی ژاپۆنی بەشداری گۆڵی نەکرد، بارسا توانی بە ئەنجامی 7-3 سەرکەوتن بەسەر هەڵبژاردەی کۆریای باشووردا بەدەست بهێنێت.

یامال لە یارییەکەدا ئاستێکی بەرزی پێشکەشکرد، جگە لە تۆمارکردنی هەردوو گۆڵەکە، هەمیشە مەترسی لەسەر تیپی خاوەن یاریگا بوو. دوابەدوای یارییەکە لە لێدوانێکی ڕۆژنامەوانیدا ڕایگەیاند "هەست بە دڵخۆشییەکی زۆر دەکەم، گۆڵکردن لەکاتی لەبەرکردنی درێسی ژمارە 10دا لە منداڵییەوە خەونی من بووە".

یاریزانەکە ئاماژەی بەوەشکردووە، توانای تۆمارکردنی گۆڵ لەکاتێکدا درێسی ژمارە 10 لە درێسی بەرشەلۆنەدا زۆر تایبەتە، زۆر دڵخۆشم بەو دوو گۆڵە و بە سەرکەوتنی تیپەکە.

لامین لە درێژەی قسەکانیدا و سوپاس و پێزانینی خۆی بۆ ئەو میواندارییە دەربڕی کە لە ژاپۆن و کۆریای باشوور وەریگرت و وتی، سوپاسی هاندەران دەکەم بۆ پشتگیری بەردەوامی هەر وڵاتێک، ئێمە زۆر سوپاسگوزارین، و هیوادارین وەرزێکی باشمان هەبێت و نازناوەکان بەدەستبهێنین.