راچڵەكین -

هێرش و بۆردومانەكانی سوپای ئیسرائیل بۆ سەر كەرتی غەززە بەردەوامە و بەپێی نوێترین ئاماریش، كۆی ژمارەی قوربانیان بۆ نزیكەی 208 هەزار كوژراو و بریندار بەرزبووەتەوە.

وەزارەتی تەندروستی فەلەستین لە كەرتی غەززە، بڵاویكردەوە، لەماوەی 24 كاتژمێری رابردوودا بەهۆی بەردەوامبوونی هێرش و بۆردومانەكانی ئیسرائیلەوە بۆسەر كەرتی غەززە، زیاتر لە 48 هاووڵاتی مەدەنی كوژران و دەیان كەسی دیكەش بریندار بوون.

بەگوێرەی نوێترین ئاماری وەزارەتەكە، كۆی ژمارەی قوربانیانی هێرش و بۆردومانەكانی ئیسرائیل بۆسەر كەرتی غەززە لە رۆژی 7ی ئۆكتۆبەری 2023وە تا ئەمڕۆ هەینی 1-8-2025، گەیشتووەتە 60 هەزار و 332 كوژراو، ژمارەی بریندارانیش بۆ 147 هەزار و 643 كەس بەرزبووەتەوە، كە زۆربەیان ژن و منداڵن.