هێرشێكی رووسیا بۆسەر ئۆكراینا زیاتر لە 190 كوژراوو برینداری لێدەكەوێتەوە

جیهان

پێش 4 هەفتە     ژمارەی بینراو 247

راچڵەكین -

سوپای رووسیا هێرشێكی فراوانی مووشەكی كردە سەر كیێڤ-ی پایتەختی ئۆكراینا و چەندین ناوچەی شارەكەی بۆردومانكرد، بەپێی ئامارەكانیش دەیان كەس كوژران و نزیكەی 160 كەسی دیكەش بریندار بوون.

ئیهۆر كلیمێنكۆ، وەزیری ناوخۆی ئۆكراینا، لە راگەیەندراوێكدا بڵاویكردەوە، لەئەنجامی ئەو هێرشە مووشەكییەی كە لەلایەن سوپای رووسیاوە كرایە سەر كیێڤ-ی پایتەخت، 31 هاوولاتی مەدەنی گیانیان لەدەستدا، كە ژمارەیەكیان منداڵن، هاوكات 159 كەسی دیكەش بریندار بوون، كە برینی بەشێكیان سەختە.

لەدوای هێرشە مووشەكییەكە، تیمەكانی فریاگوزاریی ئۆكراینا هەڵمەتێكیان دەستپێكرد بۆ رزگاركردنی ئەو كەسانەی كەوتوونەتە ژێر داروپەردووی باڵەخانە رووخاوەكان، كە بەپێی زانیارییەكان، چارەنووسی چەندین كەس نادیارە.

بەرپرسانی ئۆكرانیا بە توندی ئیدانەی ئەو هێرشەیان كرد و داوایان لە وڵاتە هاوپەیمانەكانیان كرد سزا نێودەوڵەتییەكان بۆ سەر رووسیا زیاتر بكات.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن