رووداوێكی تەقەكردن لە ئەمریكا كوژرانی چوار كەسی لێكەوتەوە

جیهان

پێش 4 هەفتە     ژمارەی بینراو 229


راچڵەكین-

رووداوێكی تەقەكردن لە گازینۆیەكی مۆنتانا لەناوچەی ئاناكۆندا لەباكوری ئەمریكا، كوژرانی چوار كەسی لێكەوتەوە.

بەووتەی دەیڤد گوێردەر خاوەنی گازیۆنەكە بە میدیاكانی راگەیاندووە، هێرشبەرەكە ناوی ( مایكڵ پۆل براون)ەو تەمەنی 45 ساڵەو پێشتر لەریزەكانی سوپای ئەمریكا خزمەتی كردووە.

وتیشی، تۆمەتبارەكە ماڵەكەی لەنزیك شوێنی رووداوەكەیەو تەواوی كارمەندانی گازیۆنەكە دەناسێت.

گوێردەر ووتی، تەقەكردنەكەی مایكڵ بووەتە هۆی كوژرانی  كارمەندێكی گازینۆكەو سێ كەسی تر كەلەو كاتەدا لەوێ بوون.

هاوكات پۆلیسی ویلایەتی مۆنتانا رایگەیاندووە، تۆمەتبارەكە لەشوێنی رووداوەكە هاڵاتووەو تائێستا دەستگیرنەكراوە.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن