راچڵەكین-

وادەی پڕكردنەوەی فۆڕمی ئەلیكترۆنی خۆراك لەهەرێمی كوردستان تاكۆتایی مانگی ئاب درێژكرایەوە. 

ئەمڕۆ شەممە 2ی ئابی 2025 سیامەند قادر نانەكەلی، بەڕێوەبەری بەڕێوەبەرایەتیی ڕێكخستنی پسوولەی خۆراكی هەولێر، ڕاگەیاند: “كاتی پرۆسەی بە ئەلیكترۆنیكردنی پسوولەی خۆراكی هاووڵاتییان لە هەرێمی كوردستان، بە شێوەیەكی خۆڕایی، تا كۆتایی ئەم مانگە درێژ كرایەوە”.

وتیشی: “لە سەرەتای مانگی داهاتوو (ئەیلوول) بەدواوە، هەر هاووڵاتییەك ئەگەر بیەوێت پسووڵەكە بكاتە ئەلیكترۆنی، پێویستە بڕێك پارە بدات، بە گوێرەی ڕێنماییەكانی وەزارەتی بازرگانیی عیراق، بڕی پارەكە بۆ هەر مامەڵەیەك 10 هەزار دینارە، بەڵام وەزارەتی بازرگانیی حكومەتی هەرێم داوای كردووە بكرێتە پێنج هەزار دینار”.