راچڵەكین-

وەزارەتی پەروەردەی حكومەتی هەرێمی كوردستان خوێندكارانی پۆلی 12ی ئامادەیی ئاگادار دەكاتەوە كە لەرێی لینكێكەوە دەتوانن شوێن و هۆڵی  تاقیكردنەوەكانی خولی دووەم بزانن.

ئەمڕۆ شەممە 2ی ئابی 2025 وەزارەتی پەروەردە بڵاویكردووەتەوە:" ئاگاداری  سەرجەم قوتابیان و خوێندكارانی ماوە بۆ خولی دووەم لە پۆلی ۱۲ی  ئامادەیی دەكەینەوە، لە رێگەی ئەو لینكەی خوارەوە  بەپێی پارێزگاكان و قوتابخانەكانی خۆیان دەتوانن شوێن و هۆڵی  تاقیكردنەوەكان بزانن."

ئەوەش روونكراوەتەوە، داوا لەخوێندكارانی دەكرێت،ڕۆژێك پێش  ئەنجامدانی یەكەم تاقیكردنەوە كە لە ڕێكەوتی (۲۳ی٨ی۲۰۲٥) كاتژمێر (7:30)ی بەیانی ئەنجام دەدرێت، سەردانی قوتابخانەكانی خۆیان بكەن بۆ دڵنیابوونەوە لە شوێنی هۆڵی تاقیكردنەوەكانی خولی دووەم

وەزارەتی پەروەردە ئاماژەی بەوەكردووە:" لەكاتی بوونی هەڵە لە بابەتی ماوە یان هەر زانیاریەكی دیكە تایبەت بەقوتابی پێویستە بەزووترین كات پەروەردەی خۆی لێ ئاگاداربكاتەوە بەمەبەستی چارەسەركردنی."

لینكی دۆزینەوەی شوێن و هۆڵی  تاقیكردنەوەكان