راچڵەكین -
سوپای ئەمریكا بڕیاریداوە لە چەند رۆژی داهاتوودا مانۆڕێكی سەربازیی هاوبەش لەگەڵ هێزەكانی ئەرمینیا لەسەر خا;ی ئەو وڵاتە ئەنجام بدات، كە نزیكە لە سنوورەكانی رووسیاوە.
بەگوێرەی راگەیەندراوێكی وەزارەتی بەرگریی ئەرمینیا، مانۆڕە سەربازییە هاوبەشەكە رۆژی 12ی ئەم مانگەی دەستپێدەكات و تارۆژی 20-8-2025 بەردەوام دەبێت، تێیدا هێزەكانی پاراستنی ئاسایشی ئەرمینیا لەگەڵ هێزەكانی ئەمریكا لە ئەوروپا و ئەفریكا بەشدار دەبن.
وەك لە راگەیەندراوەكەی وەزارەتی بەرگریی ئەرمینیادا هاتووە، ئامانج لە مانۆڕە سەربازییەكە، ئامادەیی ئەو هێزانەیە بۆ هەر چەشنە ئەركێكی نێودەوڵەتی.
لەچەند ساڵی رابردوودا، ئەمریكا و ئەرمینیا چەندین مانۆڕی سەربازیی هاوبەشیان لەسەر خاكی ئەرمینیا ئەنجامدابوو، دواترینیشیان مانۆڕە سەربازییەكەی مانگی حوزەیرانی ساڵی 2024 بوو، كە ماوەی 10 رۆژی خایاند و ناڕەزایی توندی رووسیای لێكەوتەوە.