ڕاچڵەکین سپۆرت -
خوان لاپۆرتا، سەرۆکی یانەی بەرشەلۆنە لێدوانێکی سەرنجڕاکێشی سەبارەت بە باشترین تیپی ئێستای ئەوروپا و جیهان دا، تەنها چەند ڕۆژێک پێش ئەوەی تیپەکەی گەشتەکەی بۆ بەرگریکردن لە نازناوی لالیگا دەستپێبکات.
لە چاوپێکەوتنێکیدا لەگەڵ کەناڵی سی ئێن ئێن سپۆرت، لاپۆرتا ئاماژەی بەوەدا کە یانەی بەرشەلۆنە و پاریس سانجێرمان دوو لە گەورەترین یانەی جیهانن، هەروەها هیوادارە لە وەرزی داهاتووی چامپیۆنزلیگدا هەردوو یانە بەرامبەر یەکتر یاریی بکەن بۆ ئەوەی نیشانی جیهان بدەن کە کێ بەهێزترە.
لاپۆرتا ئاماژەی بەوەشکرد، هەموو ئەوانەی تۆپی پێیان خۆشدەوێت پێیان وایە پاریس سانجێرمان و بەرشەلۆنە باشترین تۆپی پێی جیهانیان ئەنجامداوە، هیوادارم لە خولی داهاتووی چامپیۆنزلیگدا ڕووبەڕوویان ببمەوە.
لە درێژەی قسەکانیدا وتی: ئەوان نازناوی چامپیۆنزلیگ و خولی فەرەنسایان بردەوە، تۆپی پێیەکی جوان لەگەڵ ڕاهێنەرێکی گەورە و یاریزانی نایاب و هەروەها تیپێکی بەهێز یاری دەکەن.
لاپۆرتا ڕوونیشیکردەوە، بەداخەوە نەمانتوانی بەرامبەریان یاری بکەین، یارییەکی تۆپی پێیە جیهان چاوەڕێی دەکات، هیوادارم بتوانین ڕووبەڕوویان ببینەوە بۆ ئەوەی بزانین کاممان باشترینە.