راچڵەكین-
بەڕێوەبەرایەتی پاسپۆرتی هەولێر لەسەر چوونە ناوەوەی جرج بۆ ناو ئامێری چاپكردنی پاسپۆرت روونكردنەوە دەدات.
ئەمڕۆ پێنجشەممە 7ی ئابی 2025 بەڕێوەبەرایەتی پاسپۆرتی هەولێر روونكردنەوەیەكی بڵاوكردەوە كە تیایدا هاتووە:" دوای بڵاوبوونەوەی دەنگۆیەك كە گوایە بە هۆكاری چوونە ناوەوەی جورج بۆ ناو ئامێری چاپكاری، چاپی پاسپۆرت وەستاوە لە نوسینگەی دووی پاسپۆرتی هەولێر؛ دەمانەوێت هەموو لایەك ئاگاداربكەینەوە كە ئەم دەنگۆیانە دوورە لە راستی و كێشەكە تەكنیكی بووەو لە كەمتر لە ٦ كاتژمێر چارسەر كراوەو گشت پاسپۆرتەكان چاپكراون."
ئاماژە بەوەشكراوە:" ئاگاداری هاوڵاتیان دەكەینەوە ئەوانەی سەردانی نووسینگەی دووی پاسپۆرتی هەولێریان كردبوو بەمەبەستی ئەنجامدانی مامەلەی دەرهێنانی پاسپۆرت لە ٤٨ كاتژمێری رابردوو كە بەهۆی كێشەیەكی تەكنیكی كاری چاپكردنی پاسپۆرت وەستابوو، لە زووترین كاتدا كێشەكە چارەسەربووە، داواكارین لە هاوڵاتیان سەردانیان بكەن بۆ وەرگرتنەوەی پاسپۆرتەكانیان ئەمڕۆ تاوەكوو كاتژمێر ٦ ئێوارە دەتوانن پاسپۆرتەكانیان وەربگرنەوە."