راچڵەكین -

لەدوو هێرشی ئاسمانیی سوپای ئیسرائیل بۆسەر رۆژهەڵات و باشووری لوبنان، ژمارەیەك هاووڵاتی كوژران و بریندار بوون.

میدیای فەرمیی لوبنان بڵاویكردەوە، ئەمڕۆ پێنجشەممە 7-8-2025، سوپای ئیسرائیل دوو هێرشی جیای لەڕێگەی درۆنەوە كردە سەر دوو ناوچەی رۆژهەڵات و باشوور، لەئەنجامدا دوو هاووڵاتی گیانیان لەدەستدا و دوو كەسی دیكەش بریندار بوون.

بەگوێرەی ئەو زانیاریانەی كە ئاژنسی هەواڵی فەرمیی لوبنان بڵاویكردووەتەوە، لە هێرشی یەكەمدا درۆنێكی سوپای ئیسرائیل شارۆچكەی دێر سریان-ی لە پارێزگای نەبەتییەی باشووری لوبنان بۆردومان كرد و بەهۆیەوە هاووڵاتییەكی خەڵكی سووریا كوژرا و دوو كەسی دیكەش بریندار بوون.

هێرشی دووەمیش كە بەهەمان شێوەی لەڕێگەی درۆنەوە ئەنجامدرا، شارۆچكەیەكی لە پارێزگای بەعلەبەك-ی رۆژهەڵاتی لوبنان بۆردومان كرد و بەهۆیەوە هاووڵاتییەك كوژرا.

تائێستاش سوپای ئیسرائیل بە فەرمی هیچ زانیارییەكی لەبارەی هێرشەكانی ئەمڕۆ ئاشكرا نەكردووە.