ڕاچڵەکین سپۆرت -
ئەمڕۆ پێنجشەممە یانەی بەرشەلۆنە بە فەرمی شارەی کاپتنی یانەکەی لە مارک ئەندرێ تێر شتیگنی گۆڵپارێزی ئەڵمانی ڕاگەیاند.
ئەمەش لەکاتێکدایە کە کێشەیەک لەنێوان هەردوولادا دروستبووە بەهۆی ڕەتکردنەوەی ئەو گۆڵپارێزە ئەڵمانییە بۆ واژۆکردنی ڕاپۆرتی پزیشکی سەبارەت بە کشانەوەی لە بەشداریکردن.
یانەکە لە ڕاگەیەندراوێکی فەرمیدا ڕوونیکردەوە، بڕیارەکە بە هەماهەنگی لەگەڵ ستافی تەکنیکی دراوە، هەروەها ڕۆناڵد ئاراوخۆی بەرگریکاری ئۆرۆگوایی وەک کاپتنی دووەمی تیپەکە، لەمەودوا ئەرکی کاپتنی یانەکە دەگرێتە ئەستۆ.
لە ڕاگەیەندراوەکەدا ئاماژە بەوە کراوە کە ئەم ڕێوشوێنە "لە ئەنجامی کردنەوەی دۆسیەیەکی دیسپلینییەوە هاتووە، و تاوەکو بڕیاری کۆتایی سەبارەت بەم ڕێکارە دیسپلینییە دەدرێت".
ئەم ڕاگەیاندنە تەنها چەند کاتژمێرێک دوای ئەوە دێت کە تێر شتیگن بارەگای مەشقەکانی تیپەکەی لە "شاری وەرزشی" جێهێشت.