راچڵەكین -
وەزارەتی پەروەردەی حكومەتی هەرێمی كوردستان، رایدەگەیەنێت، كۆرسی چوارەمی فێركردنی زمانی كوردی بەشێوەی ئۆنلاین بۆ منداڵانی كورد لە وڵاتانی دەرەوە، لەسەرەتای مانگی 10ی ئەمساڵ دەستپێدەكات، داواش لە كوردانی تاراوگە دەكات منداڵەكانیان لەهەر ئاست و تەمەنێكدایە، تۆمار بكەن.
وەزارەتەكە لە راگەیەندراوێكدا بڵاویكردەوە، بەڕێوەبەرایەتی خوێندنی دەرەوەی وڵات لە وەزارەتی پەروەردەی حكومەتی هەرێم، لەڕێگەی كۆنفیدراسیۆنی ڕەوەندی كوردستانی لە دەرەوەی وڵات، لەساڵی (٢٠٢٢)ەوە خزمەتگوزاری كۆرسی فێركردنی زمانی كوردی بەشێوەی ئۆنلاین بۆ كوردستانیانی دیاسپۆرا فەراهەم كردووە.
ئاماژە بەوەشكراوە، لەم بوارەدا تا ناوەڕاستی ساڵی (٢٠٢٥) سێ كۆرس بە بەشداری هەزار هاووڵاتی لە وڵاتانی جیاجیای جیهانەوە بەسەركەوتوویی بەڕێوەچووە، بەشداربووان بڕوانامەی فەرمی وەزارەتی پەروەردەیان پێبەخشراوە.
لە بەشێكی راگەیەندراوەكەدا هاتووە، "لە ئێستادا وەزارەتی پەروەردە ئامادەكاری بۆ دەستپێكردنی كۆرسی چوارەم دەكات كە لە (١ / ١٠ / ٢٠٢٥) دەستپێدەكات، وانەكان لەلایەن مامۆستایانی كارامەی زمانی كوردی بە هەرسێ شێوەزاری سۆرانی و بادینی و كرمانجی دەگوترێنەوە.
وەزارەتی پەروەردە داوا لەسەرجەم كوردستانیانی تاراوگە دەكات، كە وەك ئەركێكی پەروەردەیی و نەتەوەیی، سوود لەم دەرفەتە وەربگرن و منداڵەكانیان لەهەر ئاست و تەمەنێكدابن تۆمار بكەن.
بۆ تۆماركردن و پڕكردنەوەی فۆڕمی ئەلیكترۆنی، كلیك لەم بەستەرە بكە: