راچڵەكین -

فەرمانگەی پەیوەندییەكانی دەرەوەی حكومەتی هەرێمی كوردستان، لەبارەی سەردانی مەسرور بارزانی بۆ ئەمریكا، روونكردنەوەیەك بڵاودەكاتەوەو رایدەگەیەنێت، ئەو هەواڵە دوورە لە ڕاستی و هیچ بنەمایەكی نییە.

لەو روونكردنەوەیەكدا كە ئەمڕۆ یەكشەممە 10-8-2025 بڵاوكراوەتەوە، تێیدا هاتووە، "چەند روژێكە هەندێك میدیای نابەرپرس بە مەرامی تایبەت، هەواڵی سەردانی سەرۆكوەزیرانیان بۆ ئەمریكا و دیدار لەگەل بەرپرسانی باڵای ئەم وڵاتە بڵاوكردۆتەوە، كە دوورە لە ڕاستی و هیچ بنەمایەكی نییە".

لە بەشێكی دیكەی روونكردنەوەكەی فەرمانگەی پەیوەندییەكانی دەرەوەدا هاتووە، "هیوادارین راگەیاندن پشت بە سەرچاوەی فەرمی ببەستێت نەك ئامانجی چەواشەكردنی ڕای گشتی بێت".