راچڵەكین-

ئەمینداری ئەنجوومەنی باڵای ئاسایشی نەتەوەیی ئێران سەردانی عیراق دەكات و لەگەڵ بەرپرسانی ئەو وڵاتە كۆدەبێتەوە.

میدیاكانی ئێران بڵاویانكردووەتەوە، ئەمڕۆ دووشەممە 11ی ئابی 2025 عەلی لاریجانی، لەیەكەم سەردانیدا دوای وەرگرتنی پۆستە نوێیەكەی دەچێتە عیراق بە ئامانجی واژووكردنی رێكەوتنێكی ئەمنی دووقۆڵی لەنێوان تاران و بەغداد.

بەگوێرەی ئەو میدیایانە بێت، واژووكردنی ئەو رێكەوتنامە ئەمنییە ئامانجی سەرەكی سەردانەكەی لاریجانی-یە بۆ عیراق، دوای ئەوێش سەردانی لوبنان دەكات بۆ قسەكردن لەسەر دۆخی ئێستای ئەو وڵاتە و گەشەپێدانی پەیوەندییە بازرگانییەكان.