راچڵەكین-
پۆلیسی گەرمیان بڵاویكردەوە، لەگوندی باریكەی سەربەناحیەی قۆرەتوو كەسێك كوژراوە كە كارمەندی ئاسایشەو یەكێكی تر برینداركراوە كە پیشەی مامۆستایە.
ئەمڕۆ دووشەممە 11ی ئابی 2025 پۆلیسی گەرمیان بڵاویكردەوە:" شەوی رابردوو لەگوندی باریكەی سەر بە ناحیەی قۆرەتوو تەرمی كەسێك بە ناوی (س- ئ- ك) لەدایكبووی ساڵی 1973 پیشە كارمەندی ئاسایشی گەرمیان و كەسێكیش بەبرینداری بەناوی( د - م - م ) لەدایكبووی 1972 پیشە مامۆستا دانیشتووی قەزای كەلار هێنرانە نەخۆشخانەی فریاكەوتنی شەهید هەژار لە كەلار."
"بە وتەی كەسوكارەكەیان بۆ پۆلیس قوربانییەكان لەناو باخێكدا بوون ئەوەی كەتەقەی لێكردوون ناسیاوی خۆیانە و پێشتر كێشە لەنێوانیان هەبووە." وەك پۆلیسی گەرمیان بڵاویكردووەتەوە.
وەك لەراگەیەندراوەكەدا هاتووە:" دوای چارەسەری خێرا بەهۆی سەختی برینەكەیەوە بریندارەكە ڕەوانەی نەشخانەی سلێمانی كرا، لە ئێستادا پەڕاوی لێكۆڵینەوە بۆ رووداوەكە كراوەتەوە و بە بڕیاری دادوەر و بەپێی مادەی 405 فەرمانی دەستگیركردن بۆ تۆمەتبار دەرچووە."