ڕاچڵەکین سپۆرت -
فێرمین لۆپێزی یاریزانی یانەی بەرشەلۆنە پەیامێکی ڕاستەوخۆی ئاراستەی هاندەرانی یانە کەتەلۆنییەکە کرد سەبارەت بە داهاتووی خۆی، ئەمەش لەکاتێکدایە لەم دواییانەدا قسە و باسەکان باسان لەوە دەکرد کە ئەو یاریزانە لە ڕیزی بلاوگرانا دەڕوات.
یاریزانە ئیسپانییە تەمەن 22 ساڵەکە لە یارییەکەی جامی جوان گامپەر بەرامبەر کۆمۆی ئیتاڵی درەوشایەوە و لە گێمی یەکەمدا دوو گۆڵی تۆمارکرد و هەروەها یانەکەکەی بە ئەنجامی 5-0 یارییەکەی بردەوە.
دوابەدوای یارییەکە، فێرمین درێغی نەکرد لە وەڵامدانەوەی پرسیاری ڕۆژنامەنووسان سەبارەت بە دەنگۆی گواستنەوەی یاریزانان، جەختی لەسەر پابەندبوونی خۆی کردەوە بۆ مانەوە و ڕایگەیاند: هاندەرانی بەرشەلۆنە دەتوانن دڵنیابن، چونکە من لێرە دەمێنمەوە، بارسا جێناهێڵم.
لێدوانەکانی فیرمین کۆتایی بە هەر جۆرە قسە و باسێک دەهێنێت سەبارەت بە داهاتووی و ڕەنگدانەوەی پابەندبوونی بە پڕۆژەی یانەکەوەیە، بەتایبەتی دوای ئاستە سەرنجڕاکێشەکانی لە سەرەتای پێش وەرزەوە.