ڕاچڵەکین سپۆرت -
کارلۆ ئەنچیلۆتی ڕاهێنەری بەڕازیل توڕەیی لەناو بەرشەلۆنەی دروستکرد، بەگوێرەی ڕۆژنامە کەتەلۆنییەکان لە ڕاگەیاندنی لیستی دووەم وەک راهێنەری هەڵبژاردەی بەڕازیل لایەنگری ڕیال مەدریدی کردووە.
ڕۆژنامەی سپۆرتی کەتەلۆنی پێی وایە ئەنچیلۆتی بە ڕوونی لایەنگری یاریزانانی ڕیال مەدریدی لە پێکهاتەی بەڕازیلدا کردووە، سێ یاریزانی مەدرید کە بریتین لە ئیدەر میلیتاو و ڤینیسیۆس جونیۆر (کە سڕکراوە و تەنها دەتوانێت یەک یاری ئەنجام بدات) و ڕۆدریگۆی بانگهێشت نەکردووە.
لەلایەکی دیکەوە ئەنچیلۆتی لە پشووی نێودەوڵەتیی مانگی ئەیلولدا ڕافینیای لە یانەی بەرشەلۆنە بانگهێشتکردەوە بۆ کۆتا دوو یاریی پاڵاوتنەکانی مۆندیال کە بەڕازیل خۆی سەرکەوتووە و پێویستی بە ئەنجامی ئەو دوو یارییە نییە.
بەڕازیل کە پێشتر جێگەی خۆی لە مۆندیالی 2026 مسۆگەر کردووە، ڕۆژی پێنجشەممە 4ی ئەیلول لە یاریگای ماراکانا بەرامبەر چیلی یاریی دەکات کە پێشتر نەیتوانیوە سەرکەوێت بۆ مۆندیال. پاشان ڕۆژی سێشەممە 9ی ئەیلول سەردانی بۆلیڤیا دەکات لە یارییەکدا کە لە بەرزی 4150 مەتر لە ئاستی دەریاوە ئەنجام دەدرێت.
ئەم بڕیارە بارسێلۆنای توڕە کردووە، کە پێی وایە مەدریدی ڕکابەرە تەقلیدییەکەی سوودی لە لێخۆشبوونی یاریزانەکانی وەرگرتووە، لەکاتێکدا هەڵبژاردەی کەتەلۆنی بەبێ یاریزانە باڵە بەڕازیلییەکەی ئەگەر توشی پێکان ببێت توشی کێشە دەبێت.
بەرشەلۆنە بەنیازە گفتوگۆ لەگەڵ یەکێتی تۆپی پێی بەڕازیل بکاتەوە بۆ ئەوەی ڕافینیا لە دووەم یاری بەرامبەر بۆلیڤیا بێبەری بکات و لەبری ئەوە بەشداری بکات لە یارییەکەی بەرامبەر چیلی لە ڕیۆ دی جانیرۆ. ئەمەش بە مەبەستی کەمکردنەوەی زیانەکان و ڕێگەدان بە یاریزانەکە زوو بگەڕێتەوە ئیسپانیا، بەتایبەتی کە یارییەکەی لاباز بەهایەکی وەرزشی کەمی هەیە بۆ بەرازیل کە یاریکردن لەوێ دەتوانێت ببێتە هۆی ماندویەتی جەستەیی.