راچڵەكین-

دادگای سلێمانی جارێکی تر دادگاییکردنی شاسوار عەبدولواحید- سەرۆکی جوڵانەوەی نەوەی نوێی بۆ رۆژی 2ی ئەیلولی 2025 دواخست.

ئەمڕۆ پێنجشەممە 28ی ئابی 2025 شاسوار عەبدولواحید، بۆ جاری دووەم دوای دەستگیركردنی برایە بەردەم دادوەری دادگای سلێمانی، بەڵام جارێكی تر دادوەر بڕیاردانی لەدۆسێكەی بۆ رۆژی 2ی ئەیلولی داهاتوو دواخست.

 ئەوەش لەكاتێكدا دێت كە لەرۆژی دەستگیركردنییەوە تائێستا 79 سكاڵای لەسەر تۆماركراوە، زۆرینەی سكاڵاكان لەلایەن خاوەن پشكەكانی چاڤی لاندە و ئەوانی دیكە لەلایەن ژمارەیەك كەسایەتی و بەشێك لە دامودەزگاكانی حكومەتی هەرێمی كوردستانەوە تۆماركراوە. بەمشێوەیە:(70 سكاڵای خاوەن پشكەكان - 5 سكاڵای فەرمانگەكان - 2 سكاڵای كاندیدەكان - 1 سكاڵای پەرلەمانتارێك و1 سكاڵای چالاكوانێك).

شاسوار عەبدولواحید، سەرۆكی جووڵانەوەی نەوەی نوێ رۆژی 12ی ئابی 2025 بە بڕیاری دادوەر لەسلێمانی دەستگیركرا، رۆژی 21ی ئەم مانگە برایە بەردەم دادوەر، بەڵام دانیشتنەكەی بۆ ئەمڕۆ 28ی ئاب دواخرا.