ڕاچڵەکین سپۆرت -

 

بەرشەلۆنە لەبەردەم لەدەستدانی ئەلیخاندرۆ باڵدی بەرگریکاری چەپە بۆ ماوەی چوار هەفتە، ئەوەش دوای پێکانەکەی کە بەیانی ئەمڕۆ چوارشەممە لە مەشقەکاندا تووشی بوو.

لە ڕاگەیەندراوی پزیشکی یانە کەتەلۆنییەکەدا ڕوونیکردووەتەوە، ئەو یاریزانە پێکانێکی "بچووک"ی لە ماسولکەی ڕانیدا هەیە، ئاماژەی بەوەشکردووە، "گەشەسەندنی حاڵەتەکەی ئامادەبوونی دیاری دەکات"، بەبێ ئەوەی وادەی گەڕانەوەی دیاری بکات.

بەگوێرەی ڕۆژنامەی ئاسی ئیسپانی، باڵدێ بەشداری یارییەکەی بەرامبەر ڤالێنسیا ناکات کە ڕۆژی 14ی ئەیلول دەبێت، ئەمەش یەکەم دەرکەوتنی تیپەکەیە لەم وەرزەدا لە یاریگای سپۆتیفای کامپ نو. هەروەها پێدەچێت بەشداریکردنی لە یەکەم یاری قۆناغی کۆمەڵەکانی چامپیۆنزلیگ بەرامبەر نیوکاسڵ لە 18ی ئەیلولدا بەدوور بێت.

وەرزی ڕابردوو یاریزانەکە لە کۆتا یاریدا بەهۆی پێکانەوەیەکی هاوشێوەی ڕانیەوە لە هەشت یاریدا بەشداری نەکرد، ئەمەش وایکرد بۆ ماوەی 29 ڕۆژ لە 12ی نیسان تا 10ی ئایار لە یاریگاکان دووربکەوێتەوە.

لەو ماوەیەدا جیرارد مارتن جێگەی گرتەوە دوای ئەوەی ئەویش بەهۆی کێشەی ناو تۆمارکردنەوە لە دوو یاریی یەکەمی یارییەکەدا بەشداری نەکرد. بۆ چەند خولەکێک گەڕایەوە بەرامبەر ڕایۆ ڤاییکانۆ.

پێشتر باڵدێ لە هەمان ناوچە تووشی پێکان بووە، ئەمەش نیگەرانییەکانی هانسی فلیکی ڕاهێنەری ئەڵمانی زیاتر دەکات سەبارەت بە دووبارەبوونەوەی پێکانەکان و دۆخەکەی لە سەرەتای وەرزدا ئاڵۆزتر دەکات.