ڕاچڵەکین سپۆرت -

 

گراهام ئارنۆڵدی ئوسترالی، ڕاهێنەری هەڵبژاردەی عێراق ڕایگەیاند، شێرەکانی ڕافیدەین لە مانگی تشرینی یەکەمدا هیچ یارییەکی دۆستانە ئەنجام نادەن پێش ئەوەی بەشداری یارییەکانی پلەی ئۆفی ئاسیا بکەن بۆ گەیشتن بە مۆندیالی 2026، لە کۆمەڵەیەکدا کە سعودیە و ئەندەنوسیا لەخۆدەگرێت.

ئەمڕۆ چوارشەممە ئارنۆڵد لە کۆنگرەیەکی ڕۆژنامەوانیدا ئاماژەی بەوەشکرد، هەڵبژاردەی عێراق ئامادەیە بەشداری لە جامی شا لە تایلەند بکات، سبەی پێنجشەممە ڕووبەڕووی هۆنگ کۆنگ دەبێتەوە، هەروەها یەکشەممەی داهاتووش بەرامبەر یان تایلەند یان فیجی یاری دەکات.

لە درێژەی قسەکانیدا وتی: ئێمە سەرنجمان لەسەر ئاست و بردنەوەیە لەم پاڵەوانێتییەدایە، ئەم پێشبڕکێیە دەرفەتی زیاترمان پێدەبەخشێت بۆ ئەوەی کۆنترۆڵی تۆپ بکەین، ئەوەش گرنگە چونکە دەمانەوێت بزانین کاتێک تۆپمان پێیە چی دەکەین.

ئاماژەی بەوەشکرد، ئەم پاڵەوانێتییە هەست بە پاڵەوانێتییەکی دۆستانە ناکات؛ بەڵکو کارەکتەری نیمچە فەرمیی هەیە، و ئەوەی کە هەڵبژاردەی عێراقی بەدوای بردنەوەدایە تەنانەت لە یارییە دۆستانەکاندا. ڕوونیشیکردەوە، هیچ یاریزانێک گەرەنتی بانگهێشت کردنی لە هەڵبژاردەی عێراق نییە، بەو پێیەی "پێویستە هەمووان شەڕ بکەن بۆ بەشداریکردن".

لە کۆتاییدا وتی: باشترین 23 یاریزانی عێراقی هەڵدەبژێرین بۆ بەشداریکردن لە یارییەکانی پلەی ئۆفی مۆندیال، دڵنیاین لە سەرکەوتن بۆ قۆناغی کۆتایی.

لای خۆیەوە جەلال حەسەن، گۆڵپارێزی هەڵبژاردەی عێراق دووپاتی کردەوە کە نەوەی ئێستا هەموو ئەو شتانە دەدەن کە هەیانە بۆ ئەوەی سەربکەون بۆ مۆندیال.

جەختیشی لەوە کردەوە کە "ڕاهێنەر ئارنۆڵد وەک باوکێک وایە بۆ یاریزانەکان، هەمووان بە خێرایی خۆیان لەگەڵ ستایلەکەیدا گونجاندووە".

حەسەن ئاماژەی بەوەشکرد، جامی پاشا لە تایلەند نوێنەرایەتی قۆناغی کۆتایی ئامادەکارییەکان دەکات بۆ قۆناغی کۆتایی، بەڵێن دەدەین هاندەرانمان دڵخۆش بکەین و سەرکەوین بۆ مۆندیال.