راچڵەكین -

وەزارەتی ناوخۆی عیراق ئاشكرایدەكات لەماوەی مانگێكدا دەیان بازرگانی ماددە هۆشبەرەكان دەستگیركراون و دەستبەسەر زیاتر لە 250 كیلۆگرام ماددەی هۆشبەریشدا گیراوە.

بەگوێرەی راگەیەندراوێكی بەڕێوەبەرایەتی گشتی كاروباری ماددە هۆشبەرەكانی سەر بە وەزارەتی ناوخۆی عیراق، لە سەرەتای ئەم مانگەوە تا ئەمڕۆ یەكشەممە 28-9-2025، لەچوارچێوەی هەڵمەتەكانی تایبەت بە نەهێشتنی بازرگانیكردن بە ماددەی هۆشبەر، هێزەكانیان 59 كەسیان لەچەند شارێكی عیراق بە تۆمەتی بازرگانیكردن و فرۆشتنی ماددەی هۆشبەر دەستگیركردووە.

لە راگەیەندراوەكەدا ئاماژە بەوەشكراوە، هەر لەماوەی ئەم مانگەدا زیاتر لە 250 كیلۆگرام ماددەی هۆشبەر دەستیان بەسەردا گیراوە، كە لەلایەن بازرگانەكانەوە ئامادەكرابوون بۆ فرۆشتنی لەناوخۆی عیراقدا.