ڕاچڵەکین سپۆرت -

 

یانەی مانچستەر یونایتدی ئینگلیزی لەم وەرزەدا یەکێک لە ئەستێرەکانی ڕیال مەدرید لە دۆزەخی کورسی یەدەگی ڕاهێنەر چابی ئەلۆنسۆ ڕزگار دەکات و لە ماوەی گواستنەوەی زستانەی داهاتوودا گرێبەستی لەگەڵ دەکات.

پیاوەکانی ڕوبێن ئامۆریمی ڕاهێنەری پورتوگالی دەیانەوێت لە بەشی دووەمی ئەم وەرزەدا هێرشی تیپی یەکەم بنیات بنێنەوە بە گرێبەستکردن لەگەڵ ئێندریک فیلیپی بەڕازیلی کە تا ئێستا لەژێر دەستی ئەلۆنسۆ تەنانەت یەک خولەکیش بەشداری نەکردووە.

یاریزانە تەمەن 19 ساڵەکە هێشتا یەک خولەک یاری بۆ تیپەکەی ئەلۆنسۆ نەکردووە، دوای ئەوەی تووشی پێکان بوو کە بەم دواییە چاک بووەوە، ئەڵۆنسۆ لە دوای یارییەکانی هاوینی ڕابردووی مۆندیالی یانەکان لە ئەمریکا پێی باشترە پشت بە گۆنزالۆ گارسیای هاوڕێی ببەستێت.

ئەو دۆخەی ڕووبەڕووی ئێندریک دەبێتەوە، کە لە چەند خولەکێکدا کوالیتی خۆی نیشان دا کە لەژێر سەرپەرشتی کارلۆ ئەنچیلۆتی ڕاهێنەری پێشووی یانەکەیدا یاریی کرد، ڕەنگە لە وەرزی زستاندا یانەی ڕیال مەدرید جێبهێڵێت، چونکە لە ماوەی گواستنەوەی هاوینەدا بیرۆکەی جێهێشتنی تیپەکەی ڕەتکردەوە.

ڕۆژنامەی مۆندۆ دیپۆرتیڤۆی ئیسپانی بڵاویکردووەتەوە، یونایتد ئێندریک بە بژاردەیەکی باش دەزانێت بۆ بەهێزکردنی هێرشەکانی و لە چەند هەفتەی داهاتوودا چاودێری دۆخی یاریزانەکە دەکات لە یاریگای بێرنابیۆ بە ئامانجی گواستنەوەی یاریزانەکە کاتێک دەرگای گواستنەوەی زستانە دەکرێتەوە.