راچڵەكین-
هەردوو حكومەتی پاكستان و ئەفغانستان لەسەر راگەیاندنی دەستبەجێی ئاگربەست لەنێوانیاندا رێكەوتن.
ئەمڕۆ یەكشەممە 19ی تشرینی یەكەمی 2025 وەزارەتی دەرەوەی قەتەر رایگەیاند، بەرپرسانی ئیسلام ئابادو كابول، دوای گفتوگۆیەكی ئاشتیانە لەدەوحە، رێككەوتن لەسەر راگەیاندنی دەستبەجێی ئاگربەست و دامەزراندنی میكانیزم بۆ چەسپاندنی ئاشتی و سەقامگیریی بەردەوام لەنێوان هەردوو وڵاتدا رێككەوتوون.
وەك لەراگەیەندراوەكەدا هاتووە، بڕیاردراوە، لەرۆژانی داهاتوودا بەهەمان شێوە بەرپرسانی پاكستان و ئەفغانستان كۆدەبنەوە بۆ ئەنجامدانی گفتوگۆی زیاتر لەنێوانیاندا.
بەرپرسانی پاكستان بڵاویانكردووەتەوە، كۆبوونەوەی دووەمی نێوان بەرپرسانی كابول و ئیسلام ئاباد رۆژی 25ی تشرینی یەكەم دەبێت لە توركیا.
هەفتەی رابردوو، پكاستان و ئەفغانستان بەشەڕهاتن و بەهۆیەو دەیان كەس لەهەردوولا كوژران و ژمارەیەكی تریش برینداربوون.