راچڵەکین- 

قاسم ئەعرەجی راوێژکاری ئاسایشی نەتەوەیی عێراق لەگەڵ عەلی لاریجانی ئەمینداری ئەنجومەنی باڵای ئاسایشی نەتەوەیی ئێران کۆبووەوە.

دوای کۆبوونەوەکە هەردوو بەرپرسەکەی عێراق و ئێران کۆنگرەیەکی رۆژنامەوانییان ئەنجامدا و تیایدا قاسم ئەعرەجی رایگەیاند: عێراق بە هیچ شێوەیەک رێگە نادات خاک یاخود ئاسمانی وڵاتەکەی بۆ هێرشکردنە سەر ئێران و وڵاتانی تر بەکاربهێنرێت.

ئاماژەی بەوەشکرد: بەشداریکردنی عێراق لە لوتکەی شەرم شێخ بە ئامانجی راگرتنی کۆمەڵکوژییەکان بوو لە غەززە، ئەمڕۆ ناوچەکەمان بەهۆ هێرشەکانی ئیسرائیلەوە دەناڵێنێت و نابێت رێگە بە پێشێلکردنی رێککەوتنی ئاگربەست لە غەززە بدرێت.

هاوکات عەلی لاریجانی وتی: ژمارەیەک پرسی ئەمنیمان لەگەڵ ئەعرەجی تاوتوێ کرد و پێداچوونەوەمان بۆ ئەو بابەتانە کرد کە لە کاتی سەردانەکەی پێشووم بۆ بەغدا خستبوومەڕوو.