ڕاچڵەکین سپۆرت -
ڕاپۆرتێکی ڕۆژنامەی ئیسپانی تیشکی خستۆتە سەر دۆخی ڕۆناڵد ئاراوخۆی بەرگریکاری یانەی بەرشەلۆنە پێش یارییەکەی ڕۆژی شەممە بەرامبەر دیپۆرتیڤۆ ئالاڤێس لە خولی ئیسپانیا.
ڕۆژنامەی مۆندۆ دیپۆرتیڤۆی کەتەلۆنی بڵاویکردەوە، ئاراوخۆ ڕۆژی هەینی بەشداری مەشق و ڕاهێنانەکانی نەکردووە، ئەمەش دووەم ڕۆژە لەسەریەک کە لە مەشقەکانی تیپەکەدا ئامادەنەبووە.
ڕۆژنامەکە ئاماژەی بەوەشکردووە، تا ئێستا یانەی بەرشەلۆنە هۆکاری ئامادەنەبوونی ئاراوخۆی دیاری نەکردووە.
لەلایەکی دیکەوە پێدری یاریزانی هێڵی ناوەڕاست گەڕاوەتەوە مەشق و ڕاهێنانەکان و دوای چاکبوونەوەی لە پێکانەکەی، ئامادەیە بۆ یارییەکەی شەممە بەرامبەر ئالاڤێس.
لە ڕاپۆرتەکەدا ئاماژە بەوە کراوە کە پێدری لە کاتی یاریی کلاسیکۆی 26y ئۆکتۆبەردا تووشی پێکان بووە، کە یانەی ڕیال مەدرید لە یاریگای سانتیاگۆ بێرنابیۆ بە دوو گۆڵ بەرامبەر بە گۆڵێک سەرکەوتنی بەدەستهێنا.
لە ڕاپۆرتەکەدا ئاماژە بەوە کراوە کە پێدری لە بەرامبەر ئالاڤێس بانگهێشت دەکرێت، بەڵام وەک یاریزانی یەدەگ ئامادە دەبێت.